ડભોઇ તાલુકામાં વિકાસના કામોમાં મોટું કૌભાંડ : થુવાવી ગ્રામ પંચાયત હસ્તક અંબાવના નાળાની ગેરરીતિથી ગ્રામજનોમાં ભારે નારાજગી
ડભોઈ તાલુકાની થુવાવી ગ્રામ પંચાયત હસ્તક આવેલા અંબાવ ગામમાં સરકારી ગ્રાન્ટના કરોડો રૂપિયાના વિકાસ કામોમાં ગંભીર નાણાકીય ગેરરીતિ થઈ હોવાની ચોંકાવનારી વિગતો સામે આવી છે. ખાસ કરીને સ્મશાન નજીક બનાવવામાં આવેલા એક નાળાના બાંધકામમાં થયેલી અનિયમિતતાઓ પરથી ભ્રષ્ટાચારનો પર્દાફાશ થયો છે, જેના કારણે તાલુકામાં હડકંપ મચી ગયો છે નાળા’ના નામે માત્ર કાગળ પર કામ: 3 લાખનું નાળું ક્યાં થુવાવી ગ્રામ પંચાયત દ્વારા અંબાવમાં સ્મશાનની બાજુમાં એક નાળું બનાવવામાં આવ્યું હોવાનું સરકારી ચોપડે દર્શાવવામાં આવ્યું છે.ગંભીર વિસંગતતા: રેકોર્ડ મુજબ, આ નાળા પાછળ ₹3 લાખનો ખર્ચ દર્શાવવામાં આવ્યો છે. જોકે, સ્થળ પર જઈને જોતાં ત્યાં નાળા જેવું કોઈ નક્કર બાંધકામ દેખાતું નથી.ગામલોકોમાં રોષ ગ્રામજનોનું કહેવું છે કે, ₹3 લાખની માતબર રકમ ખર્ચ્યા પછી પણ નાળાની સ્થિતિ અત્યંત દયનીય અને નબળી છે, અથવા તો બાંધકામ થયું જ નથી. આધારભૂત સૂત્રોમાંથી મળેલી માહિતી મુજબ, આ નાળું વાસ્તવમાં માત્ર ₹1.50 લાખના ખર્ચે બન્યું હોવાનું માનવામાં આવે છે, જ્યારે રેકોર્ડ પર બે ગણી રકમ દર્શાવી દેવામાં આવી છે. પૂર્વ તાલુકા પંચાયત સદસ્ય દ્વારા RTI થકી કૌભાંડનો પર્દાફાશ
ડભોઈ તાલુકા પંચાયતના પૂર્વ સદસ્ય ભાવેશ પટેલ દ્વારા આ વિકાસના કામોમાં થયેલી ગેરરીતિ અંગે માહિતી અધિકાર કાયદા (RTI) હેઠળ માહિતી માંગવામાં આવી હતી. તેમની અપીલના જવાબમાં જે વિગતો બહાર આવી છે, તેનાથી આ સમગ્ર કથિત કૌભાંડનો આખાય ખેલ ખુલ્લો પડી ગયો છે TDOના જવાબ પર અનેક સવાલો: ગેરરીતિ છતાં બિલ પર સહીઓ કેમ આર.ટી.આઈ.ની અપીલમાં તાલુકા વિકાસ અધિકારી (TDO) એ આપેલા જવાબથી સમગ્ર પ્રકરણ શંકાના ઘેરામાં આવ્યું છે.TDOનો ચોંકાવનારો જવાબ: તાલુકા વિકાસ અધિકારીએ અરજદારને જવાબમાં જણાવ્યું કે, જો આ નાળામાં ગેરરીતિ થઈ છે એમ તેમને જણાવાયું હોત, તો તેઓ બિલ પર સહી જ ન કરત.ઉઠતા સવાલો: TDOના આ જવાબ પરથી ગંભીર પ્રશ્ન ઊભો થાય છે કે, જો સ્થળ પર નાળાનું કામ નબળું હોય કે થયું જ ન હોય, તો TDO દ્વારા આટલા મોટા બિલ પર સહીઓ કેવી રીતે કરવામાં આવી? શું અધિકારીએ બાંધકામની ગુણવત્તા તપાસ્યા વિના જ સહી કરી દીધી BU સર્ટિફિકેટનો મુદ્દો તેનાથી પણ વધુ ગંભીર બાબત એ છે કે, બાંધકામ પૂર્ણ થયાનું BU સર્ટિફિકેટ કોણે અને કયા આધારે આપી દીધું જ્યારે સ્થળ પર કામની સ્થિતિ નબળી હોય કે અપૂરતી હોય, ત્યારે આ સર્ટિફિકેટ ઇશ્યૂ કરવું એ સીધી ગેરરીતિ તરફ ઈશારો કરે છે.તપાસ થાય તો ભ્રષ્ટાચારના ‘ખેલાડીઓ’ના ખેલનો પર્દાફાશ થશે ગ્રામજનો અને જાગૃત નાગરિકો તરફથી હવે આ સમગ્ર પ્રકરણની ઉચ્ચ સ્તરીય અને નિષ્પક્ષ તપાસ કરાવવાની માંગ ઉગ્ર બની છે.
જો આ સમગ્ર નાળા કૌભાંડની ગહન તપાસ કરવામાં આવે, તો આ ગેરરીતિમાં સામેલ પડદા પાછળના તમામ ‘ખેલાડીઓ’ એટલે કે ગ્રામ પંચાયત, એજન્સી અને તાલુકા કક્ષાના અધિકારીઓના કથિત ખેલનો પર્દોફાશ થઈ શકે છે. તાત્કાલિક ધોરણે આ નાણાકીય અનિયમિતતાની તપાસ થવી જોઈએ અને ભ્રષ્ટાચાર આચરનારા સામે કડકમાં કડક પગલાં લેવાવા જોઈએ, જેથી સરકારી ગ્રાન્ટનો દુરુપયોગ અટકાવી શકાય.
