વડોદરા મહાનગરપાલિકાની સ્થાયી સમિતિની બેઠક આજરોજ મળી હતી જેમાં કુલ 19 કામ અને એક વધારાનું મળી 20 કામો મંજૂરી અર્થે લેવામાં આવ્યા હતા જેમાંથી 19 કામોને મંજૂરી આપી એક કામ મુલતવી કરવામાં આવ્યું છે.
આજની આ બેઠકમાં મુખ્યત્વે બકરાવાડી વિસ્તારમાં આવેલ દીપક ઓપન એર થિયેટર ની જગ્યામાં વિકસાવવામાં આવેલ અતિથિગૃહ જાહેર જનતાનો ઉપયોગ માટે 15700 રૂપિયા ભાડામાં આપવા અને બુકિંગ શરૂ કરવાના કામને મંજૂરી આપવામાં આવી છે. આ સાથે બહુ ચર્ચામાં રહેલ બદામણી બાદ ખાતે તૈયાર થયેલ નવીન આર્ટ ગેલેરી નું બુકિંગ શરૂ કરવા સાથે બિન ધંધાકીય માટે 5000 અને ધંધાકીય માટે 10,000 લાગત નક્કી કરવામાં આવી છે.અને આ આર્ટ ગેલેરીને સ્વામી વિવેકાનંદ આર્ટ ગેલેરી નામ આપવા સામાન્ય સભાની મંજૂરી ની અપેક્ષાએ મંજૂર કરવામાં આવ્યું છે. તો સાથે વડોદરા શહેરમાં ડોર ટુ ડોર કલેક્શનથી ઉઘરાવવામાં આવતા કચરા ના કામમાં હવેથી નક્કી કરેલ માપ પ્રમાણે કચરો લાવવાનો રહેશે અને તેનું મોનિટરિંગ અલાયદો કંટ્રોલરૂમ બનાવી કરવામાં આવશે જે કામને પણ આજે મંજૂરી આપવામાં આવી હતી. આજની આ બેઠક વિશે વધુ માહિતી સમિતિના અધ્યક્ષ ડોક્ટર શીતલ મિસ્ત્રીએ આપી હતી.
