વડોદરા: અટલ બ્રિજ ઉપર ગઈકાલે રાત્રે ચારથી વધુ ગાડીઓ વચ્ચે અથડામણ થતા અકસ્માત સર્જાયો હતો. પ્રાપ્ત માહિતી અનુસાર, ત્રણથી ચાર અલગ-અલગ કંપનીઓની કાર એકબીજાને ટક્કર મારતા બહુવિધ વાહન અકસ્માત બન્યો હતો. અકસ્માતમાં કોઈ જાનહાનિ થઈ નથી, પરંતુ તમામ વાહનોને ભારે નુકસાન થયું છે.
આ અકસ્માતને કારણે અટલ બ્રિજ પર ટ્રાફિક જામ સર્જાયો હતો અને કેટલીક વખત સુધી વાહનવ્યવહાર અવરોધાયો હતો. સ્થાનિક લોકોના જણાવ્યા મુજબ, અટલ બ્રિજ પર વારંવાર વાહનચાલકો વધુ ઝડપે કાર હંકારે છે, જેના કારણે અકસ્માતોની સંખ્યા વધતી જોવા મળે છે. ટ્રાફિક અને મુસાફરીને સરળ બનાવવા માટે નિર્મિત આ બ્રિજ પર ગેરજવાબદાર ઝડપે વાહન હંકારવાથી અકસ્માતો સર્જાઈ રહ્યા છે.
ટ્રાફિક વિભાગ દ્વારા ઝડપ નિયંત્રણ માટે સખ્ત પગલાં અને નિયમોના કડક અમલની જરૂરિયાત અનુભવી રહી છે.
