વડોદરા: રાવપુરા પોલીસ મથક સામે આવેલી મામાની પોળના એક કોમ્પ્લેક્સમાં આવેલા મકાનમાં તસ્કરે તાળું તોડી સોના–ચાંદીના દાગીના અને રોકડની ચોરી કરી હતી. આ બનાવને અંજામ આપનાર તસ્કર છ મહિના સુધી પોલીસથી બચી રહ્યો હતો.
ક્રાઈમ બ્રાન્ચે ગુપ્ત માહિતીના આધારે પટોડીયા પોળ વિસ્તારમાંથી આરોપી અમિત ઉર્ફે શ્યામ શાપરિયા (રહે. શંકરપુરા ગામ, ગોકુલેશ સોસાયટી) ને દબોચ્યો હતો. તેની પાસેથી ચોરીનો મુદ્દામાલ પણ કબજે કરવામાં આવ્યો છે.
આરોપીએ મકાનનું તાળું તોડી ઘરેથી સોના–ચાંદીના દાગીના તથા રોકડ રકમની ચોરી કરી હોવાનું પોલીસે જણાવ્યું છે. ક્રાઈમ બ્રાન્ચે આરોપી સામે આગળની કાયદેસરની કાર્યવાહી હાથ ધરી છે.
