વડોદરા શહેરમાં અચાનક વાતાવરણમાં પલટો આવતા રાત્રિ બજારમાં સન્નાટો છવાઈ ગયો હતો. Vadodara માં કમોસમી વરસાદી ઝાપટા અને ભારે પવનના કારણે રાત્રિ બજાર ખાલી ખમ જોવા મળ્યું.
વરસાદ અને પવનના ઝાપટા વચ્ચે ગ્રાહકોની સંખ્યામાં નોંધપાત્ર ઘટાડો જોવા મળ્યો, જેના કારણે વેપારીઓના ધંધા પર સીધી અસર પડી છે. પરિસ્થિતિને ધ્યાનમાં રાખીને ઘણા સ્ટોલ ધારકોને પોતાની ખુરશી-ટેબલ સમેટવાની ફરજ પડી હતી.
ખાણી-પીણીના સ્ટોલ ધરાવતા વેપારીઓએ જણાવ્યું હતું કે અચાનક આવેલા વરસાદને કારણે વેચાણમાં ઘટાડો થયો છે અને આર્થિક નુકસાનની ભીતિ ઊભી થઈ છે.
આકસ્મિક વાતાવરણ પરિવર્તનના કારણે શહેરના રાત્રિ જીવન પર પણ અસર જોવા મળી રહી છે, જ્યારે આગામી દિવસોમાં હવામાન કેવું રહેશે તે અંગે વેપારીઓમાં અનિશ્ચિતતા જોવા મળી રહી છે.
