વિશ્વ ચકલી દિવસ નિમિત્તે ભાજપ યુવા મોરચા અને સાવલી તાલુકા અને નગર ભાજપ સંગઠન દ્વારા ચકલીઓના સંરક્ષણ માટે માનવતાભર્યો પ્રયાસ
સાવલી ના જુના બસ સ્ટેન્ડ ની સામે વિશ્વ ચકલી દિવસ નિમિત્તે ભાજપ યુવા મોરચા દ્વારા પક્ષીઓને ઉનાળામાં પાણીની તંગી ન પડે તે હેતુથી પાણીના કુંડા વિતરણ કાર્યક્રમ યોજાયો. ગરમીના સમયમાં પક્ષીઓને સરળતાથી પાણી મળી રહે તે માટે આ પહેલ કરવામાં આવી હતી.આ કાર્યક્રમ દ્વારા લોકોને પોતાના ઘરઆંગણે અથવા આસપાસના વિસ્તારોમાં પાણીના કુંડા મૂકવા માટે પ્રેરણા આપવામાં આવી હતી, જેથી ચકલી સહિતના નાના પક્ષીઓનું સંરક્ષણ થઈ શકે.સ્થાનિક કાર્યકરો અને નાગરિકોએ પણ આ અભિયાનને સારું પ્રતિસાદ આપ્યો હતો અને વધુમાં વધુ લોકો જોડાઈ પક્ષીઓ માટે પાણીની વ્યવસ્થા કરે તેવી અપીલ કરવામાં આવી હતી.
