વડોદરા શહેરના મકરપુરા પોલીસ સ્ટેશન વિસ્તારમાં નકલી પોલીસ બની એક વેપારી પાસેથી રૂપિયા ૨૦૦/- પડાવનાર ઈસમને મકરપુરા પોલીસ ટીમે ઝડપ્યો છે.
ફરિયાદી ભાવેશ ભૈરૂલાલ કુમાવત પોતાના દુકાનમાં હાજર હતા ત્યારે નાનાભાઈ ઉકેડભાઈ પરમાર નામનો વ્યક્તિ પોતે પોલીસ હોવાનું કહી હપ્તા બાકી હોવાનું જણાવી ધમકી આપી રૂપિયા પડાવી લીધા હતા.
અલગ-અલગ ટીમ દ્વારા ઝડપી કાર્યવાહી કરીને આરોપીને પકડી પાડવામાં આવ્યો હતો. પોલીસે આરોપી પાસેથી રૂપિયા ૨૦૦/- તથા ગુનામાં વપરાયેલી મોટરસાઈકલ કબ્જે લીધી છે. આરોપી સામે કાયદેસરની કાર્યવાહી હાથ ધરાઈ છે.
