વડોદરાના ફતેપુરા મારવાડી મહોલ્લામાં એક મકાનમાંથી દુર્લભ સાપ દેખાતા લોકો આશ્ચર્યમાં મૂકાયા હતા.બનાવને પગલે વડોદરા એનિમલ રેસ્ક્યુ ફાઉન્ડેશનની ટીમે સ્થળ પર પહોંચી વુલ્ફ સ્નેકને રેસ્ક્યુ કરી વનવિભાગને સોંપવામાં આવ્યો હતો.
વડોદરામાં મગરો સાથે હવે સરીસૃપ જીવો રહેણાંક વિસ્તારોમાં આવી જતા હોવાના બનાવો સામે આવી રહ્યા છે. તેવામાં એક જવલ્લેજ જોવા મળતી પ્રજાતિનો સાપ રહેણાંક વિસ્તારમાં આવી જતા તેને જોવા લોકોના ટોળા એકત્ર થયા હતા. ફતેપુરા મારવાડી મહોલ્લામાં આવેલા એક મકાનમાં સામાન્ય કરતા અલગ પ્રકારનો સાપ દેખાતા કુતૂહલવશ તેને જોવા માટે લોકો એકત્ર થયા હતા. સાપ રહેણાંક મકાનમાં આવી ગયો હોવાની જાણ કરવામાં આવતા વડોદરા એનિમલ રેસ્ક્યુ ફાઉન્ડેશનના વોલીએન્ટર ઘટના સ્થળે આવી પહોંચ્યા હતા. તપાસ કરતા આ સાપ 1.5 ફૂટનો વુલ્ફ સ્નેક હોવાનું જણાય આવ્યું હતું. જેને રેસ્ક્યુ કરી સહીસલામત રીતે વનવિભાગને સોંપવામાં આવ્યો હતો.
