વડોદરા શહેરના લકડીપુલ નજીક ભયંકર અકસ્માતની ઘટના બનતા વિસ્તારમાં ચકચાર મચી ગઈ હતી. સ્પીડમાં આવી રહેલા બાઈકચાલકે રોડ ક્રોસ કરી રહેલી બે યુવતીઓને જોરદાર ટક્કર મારી હતી.અકસ્મતમાં એક યુવતીને ગંભીર ઇજા પહોંચી હોવાનું જાણવા મળ્યું છે, જ્યારે બીજી યુવતીને સામાન્ય ઇજા થઈ હોવાનું પ્રાથમિક માહિતી મુજબ સામે આવ્યું છે. ઇજાગ્રસ્ત યુવતીને તરત જ સારવાર માટે સર સયાજીરાવ જેનેરલ હોસ્પિટલ (એસ.એસ.જી હોસ્પિટલ) ખાતે ખસેડવામાં આવી હતી, જ્યાં તેની સારવાર ચાલી રહી છે.અકસ્માતની ઘટના બનતા જ સ્થળ પર લોકટોળા ઉમટી પડ્યા હતા. સમગ્ર ઘટના નજીકના સીસીટીવી કેમેરામાં કેદ થઈ હોવાનું સામે આવ્યું છે.પોલીસે ઘટના અંગે વધુ તપાસ હાથ ધરી છે અને બાઈકચાલક સામે કાયદેસરની કાર્યવાહી કરવાની તજવીજ શરૂ કરી છે.
વડોદરા શહેરના લકડીપુલ નજીક સ્પીડમાં આવી રહેલા બાઈક ચાલકે બે યુવતીઓને અડફેટે લીધી
