છોટાઉદેપુર જિલ્લાના બોડેલી તાલુકામાં એસટી ડેપો પાછળ આજે હ્રદયદ્રાવક ઘટના બની
બેફામ દોડતા બે નંબર રેતીના ટ્રેકટરે આંગણે રમતી નાની બાળકીનો જીવ લઈ લીધો.
મળતી માહિતી મુજબ, છેલ્લા કેટલાક સમયથી બોડેલી અને આસપાસના વિસ્તારોમાં ગેરકાયદેસર રેતીના ટ્રેકટરોનો આતંક વધ્યો છે. આ ટ્રેકટરો નિયમોનું ઉલ્લંઘન કરીને બેફામ ઝડપથી દોડતા હોવાથી સ્થાનિકોમાં ભારે રોષ જોવા મળી રહ્યો છે.
આજે સવારે એવો જ એક બનાવ બોડેલીના એમ.ડી.આઈ. સ્કૂલ પાછળના વિસ્તારમાં બેફામ ઝડપે જતું ટ્રેક્ટર ના ડ્રાઈવરે કાબુ ગુમાવતા ટ્રેકટર આંગણે રમતી બાળકી પર ચઢી ગયું, જેના કારણે બાળકી ગંભીર રીતે ઘાયલ થઈ. તેને તાત્કાલિક હોસ્પિટલ ખસેડવામાં આવી, પરંતુ સારવાર મળે એ પહેલા જ તેનું કરૂણ મોત થયું
આ ઘટનાએ સમગ્ર બોડેલીમાં શોક અને રોષનું મોજું ફેલાઈ ગયું છે. પોલીસ અકસ્માત વિશે ફરિયાદ નોંધી વધુ તપાસ હાથ ઘરેલ છે
