વડોદરા શહેરના ફતેગંજ વિસ્તારમાં રહેતા યુવકે નવમાં માળેથી પડતું મૂકી આપઘાત કરી લેતા ચકચાર મચી જવા પામી છે. આ બનાવ અંગે માંજલપુર પોલીસે ઘટનાસ્થળે પહોંચી યુવકના મૃતદેહનો કબજો લઇ પોસ્ટમોર્ટમ અર્થે શહેરની સયાજી હોસ્પિટલન પોસ્ટમોર્ટમ રૂમ ખાતે ખસેડ્યો છે.
અગમ્ય કારણોસર યુવકે નવમાં માળેથી પડતું મુક્યું
વડોદરા શહેરના ફતેગંજ વિસ્તારમાં રહેતો અને માંજલપુર વિસ્તારમાં લોન્ડ્રીની દુકાન ધરાવતો યુવકે ડ્રીમ આઈકોનિયાના બિલ્ડીંગના નવમાં માળેથી અગમ્ય કારણોસર પડતું મૂક્યું. આ યુવકનું નામ બ્રિજેશ દશરથભાઈ પરદેશી (ઉંમર વર્ષ 45) કે જેઓ શહેરના ફતેગંજ વિસ્તારમાં આવેલા ધોબી શેરીમાં તેઓના માતા-પિતા સાથે રહેતા હતા.
પોલીસે મૃતદેહને પોસ્ટમોર્ટમ અર્થે ખસેડી કાર્યવાહી હાથ ધરી
આ બનાવ અંગે માંજલપુર પોલીસે આ યુવક આ બિલ્ડિંગમાં કયા કારણોસર ગયો અને શા માટે આ પગલું ભર્યું તે દિશામાં વધુ તપાસ હાથ ધરી છે. આ યુવકના પરિવારમાં માતા-પિતા ઉંમરલાયક છે અને તેઓની બહેનના લગ્ન થયેલા છે. મૃતક યુવકની બહેન મુંબઈ ખાતે રહે છે અને તેઓ પરત આવ્યા બાદ આ યુવકના અંતિમ સંસ્કાર કરવામાં આવશે. હાલમાં માંજલપુર પોલીસે આ યુવકે કરેલી આત્મહત્યા પાછળનું કારણ શું છે તે જાણવા પોસ્ટમોર્ટમ અંગેની કાર્યવાહી હાથ ધરી છે.
