વડોદરા શહેરમાં કડકડતી ઠંડીને ધ્યાનમાં રાખીને આજે રાત્રે 10:30 કલાકે માનવતાભર્યો સેવા કાર્યક્રમ યોજાશે. આ કાર્યક્રમ અંતર્ગત આશરે 250 જેટલા સ્વેટર અને જેકેટનું વિતરણ કરવામાં આવશે.
SSG હોસ્પિટલના તાત્કાલિક વિભાગ પાસે તેમજ શહેરના વિવિધ રોડ રસ્તાઓ પર ખુલ્લામાં સુતા ગરીબ અને જરૂરિયાતમંદ લોકોને ઠંડીથી બચાવવા માટે સ્વેટર અને જેકેટ આપવામાં આવશે. રાત્રિના સમયે બહાર રહેવા મજબૂર લોકો માટે આ સેવા રાહતરૂપ સાબિત થશે.
આ સેવા કાર્ય દ્વારા ઠંડીના સમયમાં ગરીબ અને નિરાધાર લોકોની સુરક્ષા અને સહાય કરવાનો હેતુ રાખવામાં આવ્યો છે. શહેરના સામાજિક કાર્યકરો અને સ્વયંસેવકો દ્વારા આ માનવસેવા અભિયાન અમલમાં મૂકવામાં આવશે.
