છોટાઉદેપુર તાલુકાના દેવહાંટ ગામે ભંગુરીયાનો મેળો ભરાયો હતો, છોટાઉદેપુર લોકસભાના સાંસદ જશુભાઈ રાઠવા ભંગોરીયાના મેળામાં ટીમલીના તાલે ઝૂમ્યા હતા.
છોટાઉદેપુર પંથક્મા આદીવાસીઓના સૌથી મોટા અને પારંપરીક ગણાતા હોળીના તહેવાર પુર્વે ભંગુરીયાના મેળા યોજાઈ રહ્યા છે, ત્યારે આજે છોટાઉદેપુર તાલુકાના દેવહાંટ ગામે છોટાઉદેપુર લોકસભાના સાંસદ જશુભાઈ રાઠવાની ઉપસ્થિતિમાં ભંગુરીયાનો મેળો ભરાયો હતો. જેમા આદીવાસીઓ મોટી સંખ્યામા રંગબેરંગી વસ્ત્રો પરિધાન કરી આદીવાસી પરંપરા મુજબ ઢોલ નગારા –ત્રાસા અને પાવા લઈને ટીમલી નાચતા કુદતા જોવા મળ્યા હતા. ભંગુરીયાના મેળામા આસપાસના ગામડાઓમાથી મોટી સંખ્યામા આદીવાસીઓ ઉમટી પડ્યા હતા. આ ભંગુરીયા મેળાની અંદર છોટાઉદેપુર લોકસભાના સાંસદ જશુંભાઈ રાઠવા આદિવાસી નૃત્ય ઉપર ટીમલીના તાલે ઝૂમ્યા હતા.મોહસીન સુરતી છોટાઉદેપુર
