વડોદરા મહાનગર પાલિકાની આરોગ્ય વિભાગની ટીમ દ્વારા આજે સમરસ ગર્લ્સ હોસ્ટેલ સહિત એમ.એસ. યુનિવર્સિટીના વિવિધ કેન્ટીનમાં ચેકિંગ હાથ ધરવામાં આવ્યું હતું. ટોબેકો એક્ટ અંતર્ગત આરોગ્ય વિભાગ અને વડોદરા પોલીસે મળીને શહેરની 23 જગ્યાએ સ્કૂલ,કોલેજ અને હોસ્ટેલ વિસ્તારમાં ચેકિંગ કર્યું હતું. બે ટીમોએ અલગ અલગ વિસ્તારમાં તપાસ કરી હતી જેમાં એક ટીમ યુનિવર્સિટી વિસ્તારમાં અને બીજી ટીમ કારેલીબાગના સ્કૂલો નજીક રહી હતી. ચેકિંગ દરમિયાન હોટલ અને રેસ્ટોરન્ટમાં ધુમ્રપાન નિવારણ સંદર્ભે બોર્ડ ન લગાવનાર વિરુદ્ધ કાર્યવાહી કરી દંડ ફટકારાયો હતો સમરસ ગર્લ્સ હોસ્ટેલના કેન્ટીન કોન્ટ્રાક્ટરને પણ દંડ કરવામાં આવ્યો હતો.
વડોદરા મહાનગર પાલિકાની આરોગ્ય વિભાગની ટીમ દ્વારા વિવિધ કેન્ટીનમાં ચેકિંગ હાથ ધરવામાં આવ્યું
