આંતરરાષ્ટ્રીય સ્તરે ઈરાન અને ઇઝરાયેલ વચ્ચે તણાવપૂર્ણ પરિસ્થિતિ અને યુદ્ધના માહોલ વચ્ચે થોડા દિવસો પહેલા જ ઘરગથ્થુ ગેસ સિલિન્ડરના ભાવમાં વધારો નોંધાયો હતો. ત્યારે હવે વડોદરાના અકોટા વિસ્તારમાં આવેલ ઇન્ડિયન ગેસ એજન્સી પર ગેસ સિલિન્ડરની ઓનલાઈન નોંધણી અચાનક બંધ થતાં ગ્રાહકોમાં રોષ જોવા મળ્યો હતો, આજે સવારે અચાનક જ ગેસ સિલિન્ડરની ઓનલાઈન બુકિંગ સિસ્ટમ બંધ થઈ જતા અનેક ગ્રાહકો એજન્સી પર દોડી આવ્યા હતા. ગ્રાહકોનો આક્ષેપ છે કે એજન્સી તરફથી તેમને એવું જણાવવામાં આવ્યું કે હાલમાં યુદ્ધના કારણે ગેસની સપ્લાય પર અસર પડી છે અને સિસ્ટમ ઉપરથી જ બુકિંગ બંધ છે. કેટલાક ગ્રાહકો એ પણ સવાલ ઉઠાવી રહ્યા છે કે જો યુદ્ધ લાંબા સમય સુધી ચાલશે તો સામાન્ય લોકો સુધી ગેસ સિલિન્ડર કેવી રીતે પહોંચશે, હાલમાં મુસ્લિમ સમાજનો પવિત્ર રમજાન માસ ચાલી રહ્યો હોય ત્યારે એક પરિવાર ગેસ સિલિન્ડર ન મળતા સીધા એજન્સી સુધી પહોંચ્યો હતો. આ દરમિયાન એજન્સીના સંચાલકોએ એક મહિલા ગ્રાહકની ડેપ્યુટી મામલતદાર સાથે ટેલિફોનિક વાત પણ કરાવી હતી. જેમાં ડેપ્યુટી મામલતદારે જણાવ્યું હતું કે ગેસ બુકિંગ સિસ્ટમ ઉપરથી જ બંધ હોવાથી હાલ નોંધણી શક્ય નથી, ઓનલાઈન બુકિંગ બંધ થતાં જ અનેક ગ્રાહકો એજન્સી પર પહોંચી ગયા હતા અને ગેસ સિલિન્ડર અંગે સ્પષ્ટતા માંગતા હતા. હવે જોવાનું રહ્યું કે ગેસ એજન્સી માટે ઓનલાઈન બુકિંગ સિસ્ટમ ક્યારે ફરી શરૂ થશે અને ગ્રાહકો સુધી ગેસ સિલિન્ડર
વડોદરા શહેરના અકોટા ઇન્ડિયન ગેસ એજન્સી પર ઓનલાઈન બુકિંગ બંધ થતાં ગ્રાહકોમાં રોષ…
