વડોદરા જિલ્લાના ડભોઈ પાસે આવેલી તરસાણા ચોકડી પર જોવા મળ્યો હતો. મોટી સંખ્યામાં ઊંટોના કાફલાને પસાર થતો જોઈ સ્થાનિક લોકોમાં ભારે આશ્ચર્ય અને કુતૂહલ સર્જાયું હતું. ધોરીમાર્ગ પર ઉભેલા લોકો આ દ્રશ્ય નિહાળવા માટે ટોળે વળ્યા હતા.ઘાસચારા અને પાણીની શોધમાં કચ્છી માલધારીઓનું સ્થળાંતર આ કાફલા અંગે વધુ વિગત મેળવવા માટે જ્યારે કાફલા સાથે ચાલી રહેલા માલધારી ભારાભાઈ મગુભાઈ રબારી (રહે. ગામ જાણવા, તાલુકો લખપત, જી. કચ્છ) સાથે વાત કરવામાં આવી, ત્યારે તેમણે આ લાંબી મુસાફરી પાછળનું કારણ જણાવ્યું હતું.
તેમણે કહ્યું કે કચ્છ-ભુજ વિસ્તારમાં હાલના સમયે પાણી અને ઘાસચારાની અછત વર્તાય છે. અમારા પશુધનને જીવાડવા માટે અમે દર વર્ષે આ રીતે વડોદરા જિલ્લા તરફ આવીએ છીએ. ડભોઈ પંથકમાં અત્યારે ડાંગરની કાપણી (કટિંગ) પૂરજોશમાં ચાલી રહી છે, જે અમારા પશુઓ માટે ઉત્તમ ખોરાક પૂરો પાડે છેમુશ્કેલ જીવનશૈલી: રોજનું 15 કિલોમીટરનું ભ્રમણ આ માલધારી પરિવારો અને તેમનું પશુધન અત્યંત સંઘર્ષમય જીવન જીવે છે
દૈનિક મુસાફરી: પશુઓ અને ઊંટ સાથે તેઓ રોજનું 10 થી 15 કિલોમીટર અંતર પગપાળા કાપે છે ખોરાકની વ્યવસ્થા: રસ્તામાં જ્યાં પણ ખેતરો દેખાય ત્યાં પશુઓને ચરવા માટે છોડી દેવામાં આવે છે. ડાંગરના અવશેષો ઊંટ માટે પૂરતો ખોરાક બની રહે છે.કામચલાઉ નિવાસ: આ લોકો 4 થી 6 મહિના સુધી વડોદરા જિલ્લાના વિવિધ ગામોમાં ફરે છે. શિયાળો અને ઉનાળો આ રીતે જ વિતાવે છે.
ખુલ્લું આકાશ અને ખેતર: ચાલતા-ચાલતા જ્યાં રાત પડે, ત્યાં જ ખેતરમાં પશુઓ સાથે મુકામ કરે છે અને સવાર પડતા જ ફરી નવા ગામની શોધમાં નીકળી પડે છે.સ્થાનિકોમાં આકર્ષણ શહેરી અને ગ્રામ્ય વિસ્તારોમાં એકસાથે આટલી મોટી સંખ્યામાં ઊંટો જોવા મળતા નથી, તેથી તરસાણા ચોકડી પાસે લોકો પોતાના મોબાઈલમાં આ દ્રશ્યો કેદ કરતા જોવા મળ્યા હતા. રણના વહાણ ગણાતા ઊંટોને ડભોઈની ધરતી પર જોઈને સૌ કોઈ મંત્રમુગ્ધ થઈ ગયા હતા.
