વડોદરા : વિમન્સ પ્રીમિયર લીગ (WPL)માં રોયલ ચેલેન્જર્સ બેંગ્લોરે ફરી એક વખત ચેમ્પિયન બનીને ઇતિહાસ રચ્યો છે. અંતિમ મુકાબલામાં RCBની ખેલાડીઓએ શાનદાર પ્રદર્શન કરી 204 રનનો લક્ષ્યાંક હાંસલ કર્યો હતો અને ટ્રોફી પોતાના નામે કરી લીધી હતી.
RCBની જીતની ખબર ફેલાતાની સાથે જ વડોદરામાં ફેન્સમાં ખુશીની લહેર ફરી વળી હતી. સ્ટેડિયમ અને શહેરના વિવિધ વિસ્તારોમાં RCBના ઝંડા લહેરાયા, ફટાકડા ફૂટ્યા અને ‘ઈ સાલા કપ નામદે’ના નારા ગુંજતા રહ્યા હતા. ખાસ કરીને યુવાનો અને મહિલાઓમાં ભારે ઉત્સાહ જોવા મળ્યો હતો.
RCBના સમર્થકો દ્વારા રાતભર ઉજવણી કરવામાં આવી હતી અને ટીમની આ ઐતિહાસિક જીતને યાદગાર બનાવવામાં આવી હતી.
