વડોદરા જિલ્લાના સાવલી તાલુકા પાસે આવેલા આસોજ ગામ નજીક મંજુસર પોલીસ સ્ટેશન હદ વિસ્તારમાં નકલી નોટ છાપવાના ગેરકાયદેસર ધંધાનો મોટો ભંડાફોડ થયો છે. સાવલી-વડોદરા મુખ્ય માર્ગ પર આવેલ એક મકાનમાં ચાલી રહેલા આ ગેરકાયદેસર કારોબાર અંગે મળેલી બાતમીના આધારે લોકલ ક્રાઇમ બ્રાન્ચ (LCB)એ રેડ કરતા આરોપીને ઝડપી પાડ્યો હતો.
પોલીસે મકાનમાંથી આશરે હજારો રૂપિયાની ડુપ્લિકેટ રોકડ નોટો કબ્જે કરી હતી. પ્રાથમિક તપાસમાં અહીં નકલી નોટ છાપવાનો ગેરકાયદેસર ધંધો ચલાવવામાં આવતો હોવાની માહિતી સામે આવી છે, જેને લઈને વિસ્તારમાં ચકચાર મચી ગઈ છે.
પોલીસ સૂત્રોના જણાવ્યા અનુસાર, આરોપી પાસે નકલી નોટ તૈયાર કરવા માટે ઉપયોગમાં લેવાતા સાધનો અંગે પણ તપાસ કરવામાં આવી રહી છે. સમગ્ર મામલે મંજુસર પોલીસ અને LCB દ્વારા સંયુક્ત રીતે વધુ તપાસ હાથ ધરવામાં આવી છે.
સાથે જ આ નકલી નોટના નેટવર્ક સાથે જોડાયેલા અન્ય શખ્સોની શોધખોળ પણ શરૂ કરવામાં આવી છે, જેથી સમગ્ર રેકેટનો ભેદ ઉકેલી શકાય.
