ડભોઈ ખાતે નાના કુંભાર વાગામાં મકાનના ફ્રીઝમાં શોર્ટ સર્કિટથી આગ ડભોઈ પાલિકાના ફાયર ફાઈટરોએ આગ ઉપર કાબૂ મેળવતાં હાશકારો
ડભોઈ નાના કુંભાર વાગા વિસ્તારમાં એક મકાનનાં ફ્રીઝમાં અચાનક સોટ સર્કિટ થતા મોટી દુર્ઘટના થતી ટળી હતી. સ્થાનિક લોકોની આગમ ચેતીને પગલે માત્ર ફ્રીઝ બળીને ખાક થઈ જવા પામ્યું હતું. આગ વિક્રાટ બને તે પહેલા જ ડભોઈ નગરપાલિકા ફાયરની ટીમ દ્વારા ફ્રીઝમાં લાગેલ આગ ઉપર કાબુ મેળવી લેતા મકાન માલિકે હાશકારો મેળવ્યો હતો. જોકે મકાન માલિકને આશરે 25000 જેટલું નુકશાન થવા પામ્યું હતું.
ડભોઈ નાના કુંભાર વાગા વિસ્તારમાં રહેતા અશોકભાઈ ડાહ્યાભાઈ પ્રજાપતિનાં મકાનમાં રસોડામાં મુકેલ ફ્રીઝમાં અચાનક સોટ સર્કિટ થતા આગ લાગવાની ઘટના પ્રકાશમાં આવી છે. જોકે સમગ્ર ઘટનાને લઈ સ્થાનિકો દોડી
આવ્યા હતા અને ડભોઈ નગરપાલિકા ફાયર ટીમને જાણ કરતા ગણતરીની મિનિટોમાં ફ્રીઝમાં લાગેલ આગ ઉપર કાબૂ મેળવી લેવાયો હતો. સમગ્ર ઘટનામાં ફ્રીઝ બળીને ખાક થયું હતું. જ્યારે મોટું કોઈ નુકસાન નાં થતા મકાન માલિકે હાશકારો મેળવ્યો હતો. સમય સૂચકતાને સાવધાની પગલે મોટી દુર્ઘટના થતી ટળી હતી.
