નર્મદા જિલ્લાના એકતા નગર ખાતે આજે નવી માધ્યમિક શાળાના નિર્માણ માટે ભૂમિ પૂજન અને ખાતમુરતનો શુભ કાર્યક્રમ યોજાયો હતો. નાંદોદ વિધાનસભાની ધારાસભ્ય શ્રીમતી ડૉ. દર્શનાબેન દેશમુખના હસ્તે વિધિવત દીપ પ્રાગટ્ય સાથે કાર્યક્રમની શરૂઆત કરવામાં આવી હતી.
સ્થાનિક આગેવાનો, જિલ્લા શિક્ષણ વિભાગના અધિકારીઓ, ગામના સરપંચ તથા અનેક ગ્રામજનોની ઉપસ્થિતિ વચ્ચે નવા શૈક્ષણિક સંકુલના નિર્માણનો પ્રારંભ થયો હતો. નવી માધ્યમિક શાળાના નિર્માણથી વિસ્તારના વિદ્યાર્થીઓને ગુણવત્તાસભર શિક્ષણ માટે સુવિધાજનક માહોલ ઉપલબ્ધ થશે એવી આશા વ્યક્ત કરવામાં આવી છે.
