નગર પ્રાથમિક શિક્ષણ સમિતિ વડોદરા ની શાળાના બાળકોને ઉતરાયણ પર્વ નિમિત્તે બરોડા યુથ ફેડરેશન દ્વારા અગિયાર હજારથી વધુ પતંગો નું વિતરણ કરવામાં આવ્યું
ઉતરાયણ પર્વને ગણતરીના દિવસો બાકી છે ત્યારે બાળકો સુરક્ષિત રીતે પતંગોત્સવ નો આનંદ માણી શકે તે માટે દર વર્ષની જેમ આ વર્ષે પણ બરોડા યુથ ફેડરેશન દ્વારા રૂકમીલભાઇ શાહની આગેવાની હેઠળ નગર પ્રાથમિક શિક્ષણ સમિતિ વડોદરા ની શાળાના બાળકોને 11000થી વધુ પતંગો નું વિતરણ કરવામાં આવ્યું હતું. જેનો મુખ્ય ઉદ્દેશ બાળકો પતંગોત્સવ નો આનંદ લઇ શકે સાથે સાથે બાળકોની, મુંગા પશુ પક્ષીઓ ની સુરક્ષા પણ જળવાઈ રહે તે છે.આ કાર્યક્રમ નિમિત્તે નગર પ્રાથમિક શિક્ષણ સમિતિના અધ્યક્ષ નિષિધ દેસાઇ અને ઉપાધ્યક્ષ અંજનાબેન ઠક્કર તથા બરોડા યુથ ફેડરેશનના પ્રમુખ રૂકમીલ શાહ સાથે જ શાળાના બાળકો, અને શિક્ષકો ઉપસ્થિત રહ્યાં હતાં.
