વડોદરા : “મિશન સેફ સ્ટેશન” અભિયાન હેઠળ રેલવે એસ.ઓ.જી. તથા એન.ડી.પી.એસ. ટીમે પુરી-અમદાવાદ એક્સપ્રેસ ટ્રેનમાંથી રૂ. ૧૦.૮૨ લાખ કિંમતનો ગાંજાનો જથ્થો ઝડપી પાડ્યો છે.
તા. ૬ નવેમ્બરે રાત્રીના માંગરોળા નજીક ટ્રેન નં. ૧૨૮૪૩માં ચેકિંગ દરમિયાન એસ/૩ અને એસ/૪ કોચ વચ્ચે બે બેગ તથા થેલીઓમાં કુલ ૨૧.૬૫ કિલોગ્રામ ગાંજો મળ્યો હતો. અજાણ્યો આરોપી પોલીસ ચેકિંગની ભીતિથી બેગ છોડી નાસી ગયો હતો.
એન.ડી.પી.એસ. એક્ટ હેઠળ સુરત રેલવે પોલીસ સ્ટેશનમાં ગુનો નોંધાયો છે. રેલવે એસ.ઓ.જી. અને એન.ડી.પી.એસ. ટીમે આ સફળ કામગીરી અંજામ આપી હતી.
