Vadodara Municipal Corporation દ્વારા Vadodara શહેરના દક્ષિણ ઝોન વિસ્તારમાં આવેલા Manjalpur ખાતે નવા સ્વિમિંગ પૂલના નિર્માણ માટે ખાતમુહૂર્ત કરવામાં આવ્યું છે. આશરે 12 કરોડ 30 લાખ રૂપિયાના ખર્ચે બનનારો આ સ્વિમિંગ પૂલ માંજલપુર સ્મશાન સામે આવેલા કોર્પોરેશનના પ્લોટમાં બનાવવામાં આવશે.
શહેરમાં રમતગમતની સુવિધાઓ વધારવાના હેતુથી મહાનગરપાલિકા દ્વારા આ પ્રોજેક્ટ હાથ ધરવામાં આવ્યો છે. ખાતમુહૂર્ત કાર્યક્રમ દરમિયાન Yogesh Patel (માંજલપુર વિધાનસભાના ધારાસભ્ય), Balakrishna Shukla (મુખ્ય દંડક), Chirag Barot (ડેપ્યુટી મેયર), Shailesh Patil તેમજ Dr. Sheetal Mistry (સ્થાયી સમિતિ અધ્યક્ષ) સહિત વિસ્તારના કોર્પોરેટરો અને Bharatiya Janata Party ના કાર્યકરો હાજર રહ્યા હતા.
આ સ્વિમિંગ પૂલના નિર્માણથી માંજલપુર તથા આસપાસના વિસ્તારોના નાગરિકોને સ્વિમિંગ અને રમતગમત માટે આધુનિક સુવિધા ઉપલબ્ધ થશે, તેમજ યુવાનોમાં રમતગમત પ્રત્યે પ્રોત્સાહન મળશે તેવી આશા વ્યક્ત કરવામાં આવી છે.
