વડોદરા શહેરના સન ફાર્મા રોડ પર એક હૃદયદ્રાવક અકસ્માત સર્જાયો હતો. ભીમ તળાવ ટર્નિંગ અને નાયરા પેટ્રોલ પંપ પાસે પૂરપાટ ઝડપે આવી રહેલી સફેદ રંગની થારે એક્ટિવા સવારને જોરદાર ટક્કર મારી હતી. અકસ્માત એટલો ભયાનક હતો કે એક્ટિવા ચાલકનું ગંભીર ઈજાઓને કારણે ઘટના સ્થળે જ કરુણ મોત નીપજ્યું હતું.
અકસાનતની જાણ થતા જ અટલાદરા પોલીસ કાફલો ઘટનાસ્થળે દોડી આવ્યો હતો. પોલીસે મૃતદેહને પોસ્ટમોર્ટમ માટે ખસેડવાની કાર્યવાહી હાથ ધરી છે અને અકસ્માતનો ગુનો નોંધી વધુ તપાસ શરૂ કરી છે.પ્રાથમિક માહિતી મુજબ ટર્નિંગ પોઈન્ટ પર કારની વધુ ઝડપને કારણે અકસ્માત સર્જાયો હોવાની આશંકા છે. સમગ્ર ઘટનાની સચોટ હકીકત જાણવા માટે પોલીસ સીસીટીવી ફૂટેજની મદદ લઈ રહી છે.
