વડોદરા શહેરના કપુરાઈ વિસ્તારમાં આવેલા શિવમ બંગ્લોઝ, વ્રજ વિહાર સોસાયટી, સમર્થ સોસાયટી તેમજ આસપાસની અન્ય સોસાયટીઓમાં છેલ્લા ત્રણ દિવસથી બાઇક ચોરીના બનાવો સતત સામે આવી રહ્યા છે. વારંવાર થઈ રહેલી ચોરીની ઘટનાઓને કારણે સ્થાનિક રહેવાસીઓમાં ભય અને ચિંતા ફેલાઈ છે.
આ બાઇક ચોરીના બનાવોના સીસીટીવી ફૂટેજ પણ સોસાયટીના કેમેરામાં કેદ થયા છે, જે હવે સામે આવ્યા છે. તેમ છતાં ચોરીની ઘટનાઓ રોકવામાં પોલીસ કામગીરી પર સવાલો ઉઠી રહ્યા છે.
સ્થાનિકોએ વિસ્તારમાં પોલીસ પેટ્રોલિંગ વધારવાની તેમજ ચોરીના બનાવોમાં સંડોવાયેલા તત્વો સામે કડક કાર્યવાહી કરવાની માંગ કરી છે. હવે જોવાનું રહ્યું કે આવનારા દિવસોમાં પોલીસ દ્વારા કયા પ્રકારની કાર્યવાહી હાથ ધરવામાં આવે છે.
