વડોદરા જિલ્લો ના સાવલી તાલુકો અને ડેસર તાલુકો વિસ્તારમાં અલગ-અલગ ગુનાઓમાં ઝડપાયેલા ભારતીય બનાવટના અંગ્રેજી દારૂનો બુલડોઝર ફેરવી નાશ કરવામાં આવ્યો હતો.
પ્રાંત અધિકારીની અધ્યક્ષતા અને પોલીસ અધિકારીઓની ઉપસ્થિતિમાં આ કાર્યવાહી હાથ ધરાઈ હતી. માહિતી મુજબ મંજુસર GIDC માં આવેલા બાયોટેક પાર્ક ખાતે ઝડપાયેલા દારૂનો નાશ કરવામાં આવ્યો હતો.
આ કાર્યવાહી દરમિયાન Savli Police Station, Manjusar Police Station, Bhadharva Police Station અને Desar Police Station વિસ્તારમાં નોંધાયેલા કુલ 42 ગુનાઓમાં ઝડપાયેલા દારૂનો સમાવેશ થયો હતો.
પોલીસના જણાવ્યા અનુસાર કુલ 62,626 જેટલી બોટલ દારૂનો નાશ કરવામાં આવ્યો, જેની કુલ કિંમત અંદાજે રૂપિયા 1 કરોડ 76 લાખ 83 હજાર 128 જેટલી થાય છે.
આ કાર્યવાહી દરમિયાન વડોદરા ગ્રામ્ય પોલીસના નાયબ પોલીસ અધિક્ષક, નશાબંધી વિભાગના અધિકારીઓ તેમજ ચારેય પોલીસ મથકના અધિકારીઓ ઉપસ્થિત રહ્યા હતા. પોલીસ દ્વારા ગેરકાયદે દારૂના વેપાર સામે કડક કાર્યવાહી ચાલુ રાખવામાં આવશે તેવી પણ જાણકારી આપવામાં આવી હતી.
