સુરેન્દ્રનગર લોકલ ક્રાઈમ બ્રાન્ચ દ્વારા ધજાળા પોલીસ મથક વિસ્તારના નડાળા ગામની સીમમાં દરોડા પાડીને દેશી દારૂની ભઠ્ઠી ઝડપી પાડી હતી.
ડૉ.ગીરીશ પંડ્યાના સીધા માર્ગદર્શન હેઠળ દારૂ જુગારની બદી સંપુર્ણપણે નેસ્તનાબુદ કરવા અલગ અલગ ટીમો બનાવીને સુરેન્દ્રનગર જીલ્લાનાં ગ્રામ્ય તથા સીમ વિસ્તારમાં ચોરી છુપીથી ગેરકાયદેસર દેશી દારુ બનાવવાનો આથો છુપાવી રાખી દેશી દારુ ગાળવાની ભઠ્ઠી ચલાવી દેશી દારૂનો વિપુલ માત્રામાં જથ્થો વેચાણ કરતા તત્વો આવી ગેરકાયદેસર પ્રવ્રુત્તિઓ કરતા હોવાની માહિતી મળી હતી.
તે બાતમીના આધારે સુરેન્દ્રનગર લોકલ ક્રાઈમ બ્રાન્ચ પીએસઆઇ જે.જે.જાડેજા તથા
પોલીસ સબ ઇન્સ્પેકટર જે.વાય.પઠાણ તથા પેરોલ ફલો સ્કોડના પોલીસ સબ ઇન્સ્પેકટર આર.એચ.ઝાલા તથા લોકલ ક્રાઈમ બ્રાન્ચ અને પેરોલ ફલો સ્કોડના પોલીસ સ્ટાફની અલગ અલગ ટીમો બનાવી બાતમીનાં આધારે રેડ કરીને નડાળા ગામે કાળુભાઇ માનસંગભાઇની ભાદર નદીના કાંઠે આવેલ વાડીએથી દેશી દારુ બનાવવાનો રૂ.૧,૭૫,૦૦૦/- લાખનો મુદ્દામાલ કબ્જે કર્યો હતો.અને ધજાળા પોલીસ મથકે પ્રોહીબીશન ધારા મુજબ ગુન્હો નોંધી વધુ તપાસ હાથ ધરી હતી.
ભરતસિંહ પરમાર, સુરેન્દ્રનગર
