ભારે વરસાદના કારણે ઠેરઠેર નીચાણવાળા વિસ્તારો પાણીથી છલકાતા જનજીવન પર તેની અસરો જોવા મળી હતી. છોટાઉદેપુર જિલ્લામાં વિતેલા ત્રણેક દિવસો દરમિયાન સર્વત્ર વરસાદી માહોલ છવાતા અનરાધાર મેઘવર્સા થતાં નદીનાળામાં પુષ્કળ પ્રમાણમાં પાણી વહેતું થયું હતું. દરમિયાન બોડેલી થી કલારાણી જતા મેઈન માર્ગ પર કલારાણી નજીકના એક કોતરના નાળા પર પાણી વહેતા બન્ને તરફના વાહનો મુશ્કેલીમાં મુકાયા હતા. આ લખાય છે ત્યારે છેલ્લા ત્રણચાર કલાકથી નાળા પર વહેતા પાણીને લઇને વાહનચાલકો અટવાયેલા હોવાનું નજરે પડે છે. મળતી વિગતો મુજબ બન્ને તરફ વાહનોની લાંબી લાઇનો જોવા મળી હતી. ઉલ્લેખનીય છેકે હવામાન વિભાગ દ્વારા રાજ્યના ઘણા વિસ્તારોમાં ચાલુ સપ્તાહ દરમિયાન ભારેથી અતિભારે વરસાદની આગાહી કરવામાં આવી છે, તે મુજબ છોટાઉદેપુર જિલ્લામાં પણ ભારે વરસાદ નોંધાતા નીચાણવાળા વિસ્તારો પાણીથી છલકાયા હતા.
છોટા ઉદેપુર જિલ્લાના જેતપુર પાવી તાલુકાના કલારાણી નજીક કોતરનું પાણી રોડ પર વહેતા બન્ને તરફ વાહનોની લાંબી લાઇનો લાગી
