દેશના વડાપ્રધાન નરેન્દ્ર મોદીના જન્મદિવસની ઉજવણીના ભાગરૂપે હાથી ખાનાથી બરોડા ગ્રેઇન મર્ચન્ટ એસોસિએશન દ્વારા મેગા બ્લડ ડોનેશન કેમ્પનું આયોજન કરવામાં આવ્યું હતું જેમાં મોટી સંખ્યામાં વેપારીઓ જોડાયા હતા.
દેશના યશસ્વી વડાપ્રધાન નરેન્દ્રભાઈ મોદીના 75 માં જન્મદિવસની વિવિધ કાર્યક્રમો થકી આજરોજ સમગ્ર દેશમાં અનોખી ઉજવણી કરવામાં આવી રહી છે ત્યારે વડોદરા શહેરમાં પણ વિવિધ સંસ્થાઓ એનજીઓ દ્વારા પણ અનોખી રીતે ઉજવણી કરાઈ રહી છે. ત્યારે આજરોજ હાથીખાના ધી બરોડા ગ્રેન મર્ચન્ટ એસોસિએશન દ્વારા મેગા બ્લડ ડોનેશન કેમ્પનું આયોજન રક્તદાન અમૃત મહોત્સવ 2.0 ની થીમ હેઠળ કરવામાં આવ્યું હતું. જેમાં મોટી સંખ્યામાં ધી બરોડા ગ્રેઈન મર્ચન્ટ એસોસિએશનના હોદ્દેદારો સહિત વેપારીઓએ હાજર રહી મેગા બ્લડ ડોનેશન કેમ્પમાં ભાગ લીધો હતો.
