જાહેરમાં મારામારી કરનારા 3 શખ્સોની અટક — જાહેરમાં કાન પકડાવી કાયદાનું ભાન કરાવ્યું
વડોદરાના અટલાદરા વિસ્તારમાં ગઈકાલે બ્લિન્કિટ કંપનીના કેટલાક કર્મચારીઓ વચ્ચે થયેલી ઉગ્ર બોલાચાલી અને જાહેરમાં મારામારીનો વીડિયો સોશિયલ મીડિયા પર વાયરલ થતા શહેરમાં ચકચાર મચી હતી. રસ્તા પર થયેલી આ ગુંડાઈએ કાયદો-વ્યવસ્થાને પડકારવા જેવો માહોલ સર્જ્યો હતો.
વીડિયો વાયરલ થતા જ અટલાદરા પોલીસ તાત્કાલિક હરકતમાં આવી હતી. પોલીસ ઇન્સ્પેક્ટર એમ. આર. સંગાડા અને તેમની ટીમે ટેકનિકલ વિશ્લેષણ અને વીડિયોના આધારે ગણતરીના કલાકોમાં ત્રણ આરોપીઓને ઝડપી પાડ્યા.
કાયદો હાથમાં લેતાં આવા શખ્સોને કડક સંદેશ આપવા માટે પોલીસે જાહેરમાં તેમને કાન પકડાવી માફી માગડાવી અને બાદમાં જેલના સળિયા પાછળ ધકેલી દીધા.
આ કાર્યવાહીથી સ્પષ્ટ સંદેશો ગયો છે કે —
“જાહેરમાં હુલ્લડ મચાવનાર ગમે તે હોય, વડોદરા પોલીસની નજરમાંથી બચી શકે નહીં!”
