જેતપુર પાવી તાલુકાના વનકુટીર વિસ્તારમાં પોલીસ ચેકિંગ દરમિયાન એક સફેદ રંગની મહિન્દ્રા કંપનીની XUV-500 ફોરવ્હીલર ગાડી બેરીકેટ તોડી ભાગી ગઈ હતી. ગાડીમાં દારૂ ભરેલો હોવાનું જાણવા મળતાં જેતપુર પાવી પોલીસે તાત્કાલિક કાર્યવાહી કરી બુટલેગરને ઝડપી પાડ્યો હતો.
પોલીસે ગાડીના માલિકને નિવેદન માટે બોલાવી પૂછપરછ કરી હતી. તપાસ દરમિયાન ગાડી ચલાવનાર આરોપી ડ્રાઇવર તરીકે જિગર ભરતભાઈ પરમારની ઓળખ થતાં તેને હાજર કરી ધરપકડ કરવામાં આવી હતી.
પોલીસ દ્વારા આરોપી વિરુદ્ધ પ્રોહિબિશન અધિનિયમ હેઠળ ગુનો નોંધી આગળની કાયદેસરની કાર્યવાહી હાથ ધરવામાં આવી છે. દારૂ ક્યાંથી લાવવામાં આવ્યો હતો અને ક્યાં પહોંચાડવાનો હતો તે બાબતે પણ વધુ તપાસ ચાલી રહી હોવાનું પોલીસે જણાવ્યું છે.
પોલીસની સતર્કતાથી વિસ્તારમાં દારૂની હેરાફેરીનો એક વધુ પ્રયાસ નિષ્ફળ બનાવવામાં આવ્યો છે.
