ટાટા એરક્રાફ્ટ ઉદ્દઘાટન માટે વડોદરા આવેલ ભારતના વડાપ્રધાન નરેન્દ્રભાઇ મોદી અને સ્પેનના વડાપ્રધાન પેડ્રો સાંચેઝને માટે યોજાયેલા રોડ-શોમાં એક વિશેષ પ્રસંગ જોવા મળ્યો. વડોદરાની એક દિવ્યાંગ વિદ્યાર્થિનીને મળવા માટે બંને વડાપ્રધાનનો પોતાના કાફલાને રોકાવી નીચે ઉતર્યા. અને નીચે ઉતરીને વિધાર્થીનીને મળ્યા. M S યુનિવર્સિટીમાં અભ્યાસ કરતી વિદ્યાર્થિની દિયા ગોસાઇ એક ચિત્રકાર છે. આ વિધાર્થીની દ્રારા વડાપ્રધાન નરેન્દ્રભાઇ મોદી અને સ્પેનના વડાપ્રધાન પેડ્રો સાંચેઝના ચિત્રો દોર્યા હતા. જેને લઇને આ વિધાર્થીની તથા તેના પરિવારજનો વહેલી સવારથી જ માર્ગ ઉપર ગોઠવાઇ ગયા હતા. રોડ શો દરમ્યાન આ વિધાર્થીની ઉપર નજર પડતા જ બન્ને વડાપ્રધાનો પોતાનો કાફલો રોકીને આ વિધાર્થીનીને મળવા જીપ માંથી નીચે ઉતારી ગયા હતા. દિયાએ બન્ને વડાપ્રધાનને તેમના ચિત્રોની ફ્રેમ ભેટ આપી.
દિવ્યાંગ વિધાર્થીનીને મળવા કાફલામાંથી નીચે ઉતર્યા વડાપ્રધાન મોદી અને વડાપ્રધાન પેડ્રો
