ધ મહારાજા સયાજીરાવ યુનિવર્સિટી ઓફ બરોડાની ફેકલ્ટી ઓફ પરફૉર્મિંગ આર્ટ્સના તબલા ડિપાર્ટમેન્ટ દ્વારા છેલ્લા ત્રણ વર્ષથી લોક વાદ્ય વાદનના કોર્સ સફળતાપૂર્વક ચાલી રહ્યા છે. આ કોર્સ લોકોમાં ભારે લોકપ્રિય થયો છે, ખાસ કરીને લોક વાદ્ય – તબલા, ઢોલ અને ઢોલકના પર્ફોર્મન્સ અને સંગીત ના શોખ ધરાવતા લોકો માટે આ કોર્સ ખૂબ જ લાભદાયી, રસપ્રદ અને ઉત્તેજક બન્યો છે.
આ કોર્સ કોરોના કાળ પછીના સમયગાળામાં શરૂ કરવામાં આવ્યો હતો ત્યારથી આજદિન સુધી વડોદરા ની કલાપ્રેમી જનતા માં આ કોર્સમાં નોંધણી માટે ખૂબ જ ઉત્સાહ જોવા મળ્યો છે. આ લોકપ્રિયતાનો મુખ્ય કારણ એ છે કે લોક વાદ્ય સંગીતના ક્ષેત્રે કારકિર્દી બનાવવા માંગતા તેમજ શોખ થી ગાયન વાદન કરતા વિદ્યાર્થીઓ માટે આ કોર્સ પ્રાયોગિક અને પ્રેરણાદાયક છે.
આ વર્ષે ફરીથી “સર્ટિફિકેટ કોર્સ ઓન એપ્લિકેશન ઓફ પર્કશન ઇન્સ્ટ્રુમેન્ટ્સ ઇન પોપ્યુલર મ્યુઝિક” માટે પ્રવેશ પ્રક્રિયા શરૂ થઈ ગઈ છે. વડોદરા ના લલિતકલા માટે રસ ધરાવતા ઉમેદવારોને આ તકનો લાભ લેવા માટે હર્દય પૂર્વક અનુરોધ કરવામાં આવે છે.
