વડોદરા શહેરમાં છેડતીની એક ચોંકાવનારી ઘટના સામે આવી છે. Polo Ground નજીક આવેલી Rajdeep Society વિસ્તારમાં એક નાની દીકરી સાથે છેડતી કર્યાનો આક્ષેપ સ્થાનિક દુકાન સંચાલક પર કરવામાં આવ્યો છે.
માહિતી મુજબ દીકરી ઘરનો સામાન લેવા માટે નજીકની દુકાને ગઈ હતી. તે દરમિયાન દુકાન ચલાવતા અંદાજે 80 વર્ષીય આધેડ વ્યક્તિએ દીકરી સાથે અયોગ્ય વર્તન કરી છેડતી કરી હોવાનું જણાવાઈ રહ્યું છે.
દીકરી ઘરે પરત આવી માતાને સમગ્ર ઘટના જણાવતાં પરિવારે તરત જ પોલીસને જાણ કરી હતી. ઘટનાની જાણ થતાં સોસાયટીના રહીશો મોટી સંખ્યામાં એકત્ર થયા હતા અને ભારે આક્રોશ વ્યક્ત કર્યો હતો.
સ્થાનિકોમાં એવી ચર્ચા પણ છે કે લોકોએ આરોપીને પકડી મેથીપાક ચખાડ્યો હતો, પરંતુ ત્યારબાદ આરોપી ત્યાંથી ફરાર થઈ ગયો હોવાનું જાણવા મળ્યું છે.
ઘટનાની જાણ થતા પોલીસ તાત્કાલિક સ્થળ પર પહોંચી આગળની કાયદેસરની કાર્યવાહી હાથ ધરી છે અને આરોપીની શોધખોળ શરૂ કરી છે.
