આવનાર ઉત્તરાયણ પર્વને ધ્યાનમાં રાખીને સનશાઇન ગ્લોબલ હોસ્પિટલ દ્વારા ફરી એકવાર જનજાગૃતિ અને સુરક્ષા અભિયાનનું આયોજન કરવામાં આવ્યું છે. “સુરક્ષા વિથ સનશાઇન” નામની આ અનોખી પહેલ હેઠળ શહેરના વિવિધ વિસ્તારોમાં અંદાજે 45,000થી વધુ ગળા માટેના સુરક્ષા કવચનું નિઃશુલ્ક વિતરણ કરવામાં આવશે.
આ સુરક્ષા કવચો ખાસ કરીને દ્વિચક્રી વાહનચાલકોને આપવામાં આવશે, જેથી પતંગના દોરા કારણે થતી ગંભીર ગળાની ઈજાઓને રોકી શકાય. દર વર્ષે ઉત્તરાયણ દરમિયાન દોરાથી થતા અકસ્માતો અને ઇજાઓમાં વધારો જોવા મળતો હોવાથી સનશાઇન ગ્લોબલ હોસ્પિટલ દ્વારા આ સામાજિક જવાબદારીરૂપ કામગીરી હાથ ધરવામાં આવી છે.
આ અભિયાનમાં DCB ટ્રાફિક પોલીસ પણ જોડાઈ હતી અને જનજાગૃતિ માટે ખાસ અવેરનેસ કાર્યક્રમ યોજવામાં આવ્યો હતો. જેમાં સુરક્ષિત રીતે ઉત્તરાયણ ઉજવવાની અપીલ કરવામાં આવી હતી.
સનશાઇન ગ્લોબલ હોસ્પિટલ પરિવાર દ્વારા વડોદરાના તમામ નાગરિકોને આનંદિત, સુરક્ષિત અને સલામત ઉત્તરાયણની શુભેચ્છાઓ પાઠવવામાં આવી છે.
