વડોદરા રેલવે સ્ટેશન પર મુસાફરોની સુવિધા માટે વિવિધ આયોજનો કરવામાં આવી રહ્યાં છે. જે અંતર્ગત પ્લેટફોર્મ 4 અને 5 પર મુસાફરોની સુવિધા માટે 1.18 કરોડના ખર્ચે નવીન એસ્કેલેટર બનાવામાં આવું છે.જેનું ઉદ્ઘાટન આજરોજ સાંસદ હેમાંગ જોષી તેમજ નવીન DRM રાજુ ભડકે હાથે થયું હતું .જેને પગલે ખાસ કરીને સિનિયર સિટિઝન, મહિલાઓ અને બાળકોને સરળતા રહેશે. આ પહેલાં પ્લેટફોર્મ 1 અને 6 પર એસ્કેલેટરની સુવિધા ઊભી કરાઈ હતી. વિવિધ પ્લેટફોર્મ પર એક પછી એક એસ્કેલેટરની સુવિધા ઊભી કરાઈ હતી.પ્લેટફોર્મ 4 અને 5 પર રેમ્પની સુવિધા હતી, પરંતુ એસ્કેલેટર નહતું. જેથી ત્યાં પણ આ સુવિધા ઊભી કરવામાં આવી છે ત્યારે સંસદ હેમાંગ જોશી દ્વારા એક્સીલેટર ને લઈને પ્રતિક્રિયા આપવામાં આવી હતી સાથે જ વડોદરા શહેર તેમજ અન્ય રાજ્યોમાંથી મુસાફરી કરતા લોકોને પણ સામાન લઈને અવરજવર કરવામાં રાહત મળશે સાથે જ અન્ય એક ટ્રેન નવીન પણ ટૂંક જ સમયમાં શરૂ કરવામાં આવનાર છે ત્યારે તેઓએ રેલ પ્રધાન અશ્વિનીકુમાર તેમજ વડાપ્રધાન નરેન્દ્ર મોદીનો આભાર માન્યો હતો.
See less
