12મી સિઝનમાં વિશ્વના સાત દેશો સહિત ભારતભરના 1.23 લાખથી વધુ દોડવીરોએ વિવિધ કેટેગરીમાં રજીસ્ટ્રેશન કરાવ્યું હતું. વહેલી સવારે વડોદરા શહેરમાં વિવિધ માર્ગો પર માત્રને માત્ર દોડવીરો જ નજરે પડ્યા હતા.
12મી વડોદરા ઇન્ટરનેશલ મેરેથોનમાં ખાસ કરીને એક લાખથી વધુ રજિસ્ટ્રેશન થયાં હતાં, ત્યારે અહીંયાં ટ્રાફિક અવરનેસને લઈ 80,000થી વધુ દોડવીરોએ શપથ લીધા હતા. આજની આ મેરેથોનમાં આ શપથ માટે એક રેકૉર્ડ પણ સ્થાપિત થયો છે. આ સાથે આ મેરેથોનમાં તાજેતરમાં જ લંડન સાયકલ પ્રવાસ કરી પરત ફરેલી અને એવરેસ્ટ સર કરનાર નિશા કુમારી પણ આવી પહોંચી હતી. તેનું મુખ્યમંત્રીના હસ્તે સ્વાગત કરવામાં આવ્યું હતું. આ મેરેથોનમાં ભારત, અમેરિકા, સિંગાપુર, ઇથોપિયા જર્મની સહિતના સાત દેશોના દોડવીરોએ ભાગ લીધો છે. ખાસ કરીને 42.195 કિલોમીટરની ફુલ મેરેથોન માટે કુલ 270થી વધુ રજિસ્ટ્રેશન થયા છે. આ સાથે જ હાફ મેરેથોન 10 કિલોમીટર, 5 કિલોમીટર ટાઈમ રન, પાંચ કિલોમીટર સ્વચ્છતા હેરિટેજ રન અને એક કિલોમીટર દિવ્યાંગ પેરા ઓલિમ્પિક રનમાં દોડવીરોએ ભાગ લઈ આ દોડની શરૂઆત કરી હતી. આ મેરેથોનનું ઉત્સાહથી એક સંકલ્પથી આ પાર્ટિસિપેશન જોયું છે. ટ્રાફિક સેફ્ટી માટેનો એક વર્લ્ડ બુક ઓફ રેકોર્ડ પણ આમાં સ્થાપિત થયો છે. આ માઘ્યમથી રસ્તા ઉપર ટ્રાફિકના નિયમોનું પાલન કરીએ, જે શહેર પોલીસ કમિશનર દ્વારા આપણે સૌ કોઈએ શપલ લીધા છે. આ મેરેથોનદોડમાં હું તમામનો આભાર માનું છું. આ એશિયાની સૌથી મોટી મેરેથોન તરીકે ઓળખાય છે.
વડોદરા શહેરના ઐતિહાસિક નવલખી મેદાન ખાતે વડોદરા ઇન્ટરનેશનલ મેરેથોનનું ફ્લેગ ઓફ રાજ્યના મુખ્યમંત્રી ભૂપેન્દ્ર પટેલના હસ્તે કરવામાં આવ્યું….
