દબાણ હટાવ ઝુંબેશ અંતર્ગત વોર્ડ નંબર ૬ અને ૭ મા દબાણ શાખા ની ટીમ દ્વારા હંગામી દબાણો દૂર કરવાની કામગીરી હાથ ધરવામાં આવી.
વડોદરા મહાનગરપાલિકા દ્વારા દબાણ હટાવ કામગીરી અંતર્ગત વિવિધ વોર્ડ વિસ્તારોની અંદર દબાણ હટાવવાની કામગીરી હાથ ધરવામાં આવી રહી છે. આજરોજ વોર્ડ નંબર ૬ અને વોર્ડ નંબર ૭ માં હંગામી દબાણો દૂર કરવાની કામગીરી હાથ ધરાઈ હતી. ફતેપુરા થી સંગમ ચાર રસ્તા સુધીના હંગામી દબાણો દૂર કરવા આવેલી પાલીકા ની ટીમ દ્વારા અમુક જ લારીઓને ઉઠાવવામાં આવી હતી અને અમુક લારી તેમજ ગલાઓને છોડી દેવાતા અનેક તર્ક વિતર્કો ઊભા થયા હતા. સંગમ ચાર રસ્તા નજીક ચણાની લારી ચલાવતા એક વ્યક્તિ પાસેથી ₹1,500 ભરાવી અને લારી ઉઠાવવામાં આવી ન હતી અને તેની બાજુમાં જ આવેલી શાકભાજીની લારીના ઉંમરલાયક વિધવાબેન કે જેઓ રોજે રોજ લાવી અને જીવન ગુજારે છે તેઓ પૈસા ભરવા તૈયાર હોવા છતાં પણ તેમની લારી પાલિકાની દબાણ શાખા ની ટીમ દ્વારા ઉપાડી લેતા વાલા દલાલાની નીતિ અધિકારીઓને સ્પષ્ટ દેખાઈ આવી હતી.
