શહેરના સયાજીગંજ વિસ્તારમાં કાલા ઘોડા પાસે આવેલી રેલિંગ સાથે મળસ્કે કાર અથડાતા રેલિંગ તૂટી ગઈ હતી અને કારને નુકસાન પહોંચ્યું હતું. કારચાલક નશામાં હોવાનું જાણવા મળ્યું હતું પોલીસે તેની ધરપકડ કરી હતી. પ્રાપ્ત માહિતી અનુસાર વારસિયા વિસ્તારમાં રહેતા રવિ સિંધી નશો કરીને મોડી રાત્રે ૩:૩૦ કલાકે પૂર ઝડપે કાર ચલાવીને રેલવે સ્ટેશન તરફ જતા હતા. ત્યારે સ્ટીયરીંગ પરનો કાબુ ગુમાવી દેતા કાર કાલા ઘોડાની રેલિંગ તોડી ધડાકાભેર ઘૂસી ગઈ હતી. તેને કારણે રેલિંગ અને કાર બંનેને નુકસાન થયું હતું. સયાજીગંજ પોલીસે કાર ચાલક રિવની ધરપડ કરી હતી. રાતનો સમય હોવાથી મોટી જાનહાની ટળી હતી.
નશામાં ધૂત કાર ચાલકે રેલિંગ તોડી
