ડોક્ટરના પ્રિસ્ક્રિપ્શન વગર દવાઓનું વેચાણ કરાતું હતું
ડૉક્ટર નાં પ્રિસ્ક્રીપશન વગર નશાકારક સીરપનુ વેચાણ કરતા મેડિકલ સ્ટોર ઉપર એસ. ઓ .જી એ દરોડો પાડી જથ્થો જપ્ત કર્યો છે અને આવી પ્રતિબંધિત દવાઓનું વેચાણ કરતા મેડિકલ સ્ટોર સંચાલક સામે કાર્યવાહી હાથ ધરી છે.
નશા કારક સીરપ અને દવાઓનું વેચાણ થતું હોવાની બાતમી એસ. ઓ.જી પીઆઈ એસડી રાતડા ને મળી હતી. જેના આધારે ટીમને દરોડો પાડી કાર્યવાહી કરવાની સૂચના આપી હતી.
પોલીસની ટીમ પ્રતાપનગર વિસ્તારમાં પહોંચી હતી અને તપાસ કરતા પ્રતાપનગર મેડિકલ સ્ટોરમાં પહોંચી હતી જ્યાં પ્રતિબંધિત મનાતી નશાકારક સિરાપનો જથ્થો મળી આવ્યો હતો પોલીસે ફૂડ એન્ડ ડ્રગ વિભાગની ટીમને સાથે રાખી તપાસ કરતા કોડી સ્કેનટી, એનરેક્સ કફ સીરપ, એલસી કોડ ટી કફ સીરપ ની 35 બોટલો અને અલ્ટ્રાસ્કેન નામની ગોળીઓનો 120 નંગનો જથ્થો મળી આવ્યો હતો. ડોક્ટરના પ્રિસ્કીપશન વગર આ દવાઓનું વેચાણ કરવામાં આવતુ હતુ ડ્રગ વિભાગ દ્વારા વધુ કાર્યવાહી કરવામાં આવી રહી છે.
