છોટાઉદેપુર નગરપાલિકામાં ૨૫ વર્ષ બાદ ભાજપનું સાશન , પ્રમુખ તરીકે મંજુલાબેન કિશનભાઈ કોલી અને ઉપપ્રમુખ તરીકે પરવેઝ મુસ્તુફા મકરાણીની બિનહરીફ વરણી કરાઈ છે.
છોટાઉદેપુર નગરપાલિકાની ચૂંટણીમાં ૨૮ માંથી ભાજપને ૮, સમાજવાદી પાર્ટીને ૬, બસપાને ૪, સર્વ સમાજ પાર્ટીને ૪ અને કોંગ્રેસને ૧ તેમજ ૫ અપક્ષ ઉમેદવારો ચૂંટાઈને આવ્યા હતા. સૌથી મોટી પાર્ટી તરીકે ભાજપના ૮ સભ્યો ચૂંટાયા બાદ સમાજવાદી પાર્ટી , બહુજન સમાજ વાદી પાર્ટી અને અપક્ષો એમ એક પછી એકે ભાજપમાં સામેલ થતા ભાજપના સંખ્યા બળ ૨૦ થયો અને આજે ભાજપના મેન્ડેટ મળ્યાથી પ્રમુખ પદ ઉપર મંજુલાબેન કિશનભાઈ કોલી અને ઉપપ્રમુખ તરીકે પરવેઝ મુસ્તુફા મકરાણી બિનહરીફ ચૂંટાઈ આવ્યા છે. ૨૫ વર્ષ બાદ છોટાઉદેપુર નગરપાલિકામાં ભાજપનું બોર્ડ બનતા સાંસદ જશુંભાઈ રાઠવા સહિત ભાજપના આગેવાનો જીતને વધાવવા પાલિકા પહોચ્યા અને પ્રમુખ ઉપપ્રમુખ સહિત સભ્યોનો ઉત્સાહ વધાર્યો છે.
મોહસીન સુરતી છોટાઉદેપુર
