સુરતના ફરિયાદીને શેર બજારમાં રોકાણ કરવાથી સારું વળતર મળશે તેવું કહી આરોપીઓએ વિશ્વાસમાં લીધા
જેમાં આરોપીઓએ ફરિયાદી પાસે 6,75,600નું રોકાણ કરાવડાવ્યું હતું
ત્યારબાદ આરોપીઓએ ફરિયાદીને એક પણ રૂપિયાનો નફો આપ્યો ન હતો
સુરતના વ્યક્તિને પોતે છેતરાયા હોવાનું ભાન થતાં તેમને 27-7-2025ના રોજ સાયબર ક્રાઇમમાં ફરિયાદ નોંધાવી
સાયબર પોલીસે તાત્કાલિક અસરથી આ બાબતે તપાસ હાથ ધરી હતી
ફરિયાદી દ્વારા આરોપીઓના જે બેંક એકાઉન્ટોમાં પૈસા ટ્રાન્સફર કરવામાં આવ્યા હતા તેની તપાસ હાથ ધરવામાં આવી
ફરિયાદી દ્વારા જે બેંક એકાઉન્ટમાં પૈસા ટ્રાન્સફર કરવામાં આવ્યા છે તે એકાઉન્ટ ચિરાગ પ્રજાપતિના નામ પર છે
ચિરાગ પ્રજાપતિ છૂટક મજૂરીનો ધંધો કરે છે અને પાટણના હારીજમાં ચામુંડા નગર નો રહેવાસી છે
આરોપી અગાઉ GRDમાં પણ નોકરી કરી ચૂક્યો છે
પોલીસની પૂછપરછ માં ચિરાગ પ્રજાપતિએ જણાવ્યું તેને 70000 રૂપિયા કમિશન લઈ પોતાનું બેન્ક એકાઉન્ટ આરોપીઓને ભાડે આપ્યું હતું
આરોપી ચિરાગ પોતાના ખાતામાં આવેલા પૈસા એટીએમ થી ઉપાડી સાયબર અપલોડ કરતી ટોળકીને આપતો હતો
આરોપીના ખાતામાં અત્યાર સુધીમાં 1,53,54,994ના ટ્રાન્જેક્શન થયા હોવાનું સામે આવ્યું
તો બીજી તરફ ચિરાગ પ્રજાપતિના બેંક એકાઉન્ટ પર હરિયાણામાં 2, પંજાબ, ગુજરાત, ઉત્તર પ્રદેશ, કર્ણાટક અને મહારાષ્ટ્રમાં 1-1 ફરિયાદ નોંધાય છે
આરોપીઓએ 70,000 કમિશન લઈ ભાડે આપેલા બેન્ક એકાઉન્ટ પર અત્યાર સુધીમાં NCCRP પોર્ટલ પર કુલ 7 ફરિયાદો નોંધાય છે
