ઉના શહેરમાં શહેર-તાલુકા Bharatiya Janata Party (ભાજપ)ની પરિચય બેઠક નગરપાલિકા સભાખંડ ખાતે યોજાઈ હતી. બેઠકમાં જિલ્લા પ્રભારી તરીકે Bhavanaben Hirpara અધ્યક્ષસ્થાને ઉપસ્થિત રહ્યા હતા. કાર્યક્રમનો પ્રારંભ દીપ પ્રાગટ્ય સાથે કરવામાં આવ્યો હતો.
આ પ્રસંગે Kalubhai Rathod ના પ્રતિનિધિ તથા તેમના પુત્ર Vijaybhai Rathod દ્વારા ભાવનાબેન હિરપરાનું પુષ્પગુચ્છ અર્પણ કરી સ્વાગત કરવામાં આવ્યું હતું. બેઠક દરમિયાન જિલ્લા પ્રભારી ભાવનાબેન હિરપરાએ સંગઠનને વધુ મજબૂત બનાવવા, નવા કાર્યકરોને પાર્ટીમાં જોડવા તેમજ આગામી સ્થાનિક સ્વરાજ્યની ચૂંટણીને ધ્યાનમાં રાખી કાર્યકરોને સક્રિય રહેવા હાકલ કરી હતી.
તેમણે રાજ્ય અને કેન્દ્ર સરકાર દ્વારા કરવામાં આવેલા વિકાસકાર્યો તથા વિવિધ કલ્યાણકારી યોજનાઓનો લાભ છેવાડાના લોકોને પહોંચે તે માટે કાર્યકરોને વધુ સક્રિય રીતે કામ કરવા પણ જણાવ્યું હતું.
બેઠક પૂર્ણ થયા બાદ ઉના શહેરના પાતળેશ્વર મંદિર ખાતે ટિફિન બેઠકનું પણ આયોજન કરવામાં આવ્યું હતું, જ્યાં ઉપસ્થિત આગેવાનો અને કાર્યકરો સાથે સૌએ સહભોજન કર્યું હતું.
આ કાર્યક્રમમાં જિલ્લા ભાજપ પ્રમુખ ડૉ. સંજયભાઈ પરમાર, જિલ્લા મહામંત્રી અનિલભાઈ જેઠવા અને વિશાલભાઈ વોરા, મહિલા મોરચા પ્રમુખ મંજુલાબેન સુયાણી, તાલુકા પ્રભારી હાર્દિકસિંહ ઝાલા, તાલુકા પ્રમુખ હિરેનભાઈ બાંભણીયા, શહેર પ્રમુખ મનીષભાઈ કારીયા, નગરપાલિકા પ્રમુખ પરેશભાઈ બાંભણીયા, તાલુકા પંચાયત પ્રમુખ એભાભાઈ મકવાણા તથા કારોબારી સમિતિના ચેરમેન મોહનભાઈ વાજા સહિત જિલ્લા, તાલુકા અને નગરપાલિકાના ચૂંટાયેલા પ્રતિનિધિઓ, સરપંચો, આગેવાનો અને કાર્યકરો મોટી સંખ્યામાં ઉપસ્થિત રહ્યા હતા.
