ડભોઈ તાલુકા સેવા સદન ખાતે પાયાની સુવિધાના નામે મીંડું જોવા મળી રહ્યું છે. એક તરફ ઉનાળાની કાળઝાળ ગરમીની શરૂઆત થઈ ચૂકી છે, ત્યારે બીજી તરફ સરકારી કચેરીએ આવતી જનતાને પીવાના પાણી માટે ફાફા મારવા પડી રહ્યા છે. સેવા સદનમાં મુકાયેલા બે વોટર કુલર શોભાના ગાંઠિયા સમાન સાબિત થઈ રહ્યા છે.
શું છે મુખ્ય સમસ્યા સેવા સદન જેવી મહત્વની જગ્યાએ જ્યાં તાલુકાના 118 ગામોના લોકો દસ્તાવેજ, રેશનકાર્ડ, આવકના દાખલા કે આધારકાર્ડ જેવા કામો માટે આવે છે, ત્યાં પાણીની વ્યવસ્થા કથળી છે:
કુલરોની દુર્દશા: સેવા સદનમાં પ્રજા માટે મુકાયેલા બે કુલરો પૈકી એકના નળ તૂટી ગયા છે, જ્યારે બીજા કુલરને તાળા મારી દેવામાં આવ્યા છે અધિકારીઓ વિરુદ્ધ જનતા: આશ્ચર્યની વાત એ છે કે ઓફિસમાં બેસતા અધિકારીઓ માટે ઠંડા પાણીની વ્યવસ્થા છે, પરંતુ દૂર-દૂરથી આવતી સામાન્ય જનતા માટે કોઈ સુવિધા નથી આર્થિક બોજ: ગરીબ અને મધ્યમ વર્ગના લોકોએ ફરજિયાતપણે ₹10 થી ₹20 ખર્ચીને પાણીની બોટલો વેચાતી લેવી પડી રહી છે સરકારે લાખોના ખર્ચે આ ભવન બનાવ્યું છે, પણ જો અહીં સામાન્ય માણસને પીવાનું પાણી પણ ન મળતું હોય તો આ ભવ્યતાનો શું શું વહીવટી તંત્ર ઉનાળો શરૂ થવા છતાં ઊંઘમાં છે કચેરીના મેન્ટેનન્સ પાછળ થતા ખર્ચ છતાં કુલરો કેમ બંધ હાલતમાં છે શું અધિકારીઓ માત્ર પોતાના એસી અને ફિલ્ટર પાણીની જ ચિંતા કરશે
નિષ્કર્ષ હવે જોવાનું એ રહે બાદ કુંભકર્ણની નિદ્રામાં પોઢેલું તંત્ર જાગશે ખરું? શું વહેલી તકે આ કુલરો રિપેર કરવામાં આવશે કે પછી નવા કુલર મૂકીને પ્રજાની તરસ છિપાવવામાં આવશે? જનતા અત્યારે તો માત્ર ‘ન્યાય’ અને ‘પાણી’ બંનેની રાહ જોઈ રહી છે.
