૭૮માં સ્વતંત્રતા દિવસ પર ક્રાંતિવીર સરદારસિંહ રાણાનાં વતન ચુડાનાં કંથારીયા ખાતે લીંબડી પ્રાંત અધિકારી કુલદીપ દેસાઈનાં અધ્યક્ષસ્થાને સ્વતંત્રતા દિવસની તાલુકા કક્ષાની ઉજવણી કરાઇ હતી.
સવારે ૦૯:૦૦ વાગ્યે પ્રાંત અધિકારી કુલદીપ દેસાઈનાં વરદહસ્તે ધ્વજવંદન કરવામાં આવ્યું હતું.
કાર્યક્રમમાં વિવિધ સ્કૂલો અને સાંસ્કૃતિક જૂથો દ્વારા સાંસ્કૃતિક કાર્યક્રમની પ્રસ્તુતિ કરવામાં આવી હતી.તાલુકા કક્ષાએ વિશિષ્ટ યોગદાન આપનાર કર્મચારીઓ,વ્યક્તિ સંસ્થાઓનું બહુમાન ઉપસ્થિત મહાનુભાવોનાં હસ્તે કરવામાં આવ્યું હતું.
કાર્યક્રમનાં અંતે પ્રાંત અધિકારી તથા ઉપસ્થિત મહાનુભાવોના વરદ હસ્તે વૃક્ષારોપણ પણ કરવામાં આવ્યું હતું.
આ પ્રસંગે પ્રાંત અધિકારી કુલદીપ દેસાઈ, ચુડા મામલતદાર વાય.એચ.પરમાર,ચુડા પીએસઆઈ એચ.એચ.જાડેજા,ચુડા રેન્જ ફોરેસ્ટ ઓફિસર વિજયસિંહ ગઢવી,ચુડા ટીડીઓ ટમાલીયાભાઈ,તથા મોટી સંખ્યામાં યુવાનો, અને દરેક સરકારી કચેરીનાં કર્મચારીઓ, અને શાળાનાં બાળકો ઉપસ્થિત રહ્યાં હતાં.
રિપોર્ટર : ભરતસિંહ પરમાર, ચુડા
