વડોદરા મહાનગર પાલિકાની દબાણ શાખા ની ટીમે અકોટા ગામ પાસે મુખ્ય માર્ગ ઉપર આવેલા દબાણો પોલીસના બંદોબસ્ત સાથે દૂર કરવામાં આવ્યા હતા.
વડોદરા મહાનગરપાલિકા ની દબાણ હટાવો ઝુંબેશ જોવા મળી રહી છે ત્યારે હવે વરસાદી માહોલમાં પણ દબાણો દૂર કરવામાં આવી રહ્યા છે. પાલિકાની દબાણ શાખાની ટીમે અકોટા ગામ પાસે મુખ્ય માર્ગ પાસે લારી ગલ્લાના દબાણો પોલીસના બંદોબસ્તને સાથે રાખીને દૂર કરવાની કાર્યવાહી હાથ ધરી હતી. દબાણ હટાવવાની કામગીરી દરમિયાન બે ટ્રક ભરીને માલસામાન જપ્ત કરવામાં આવ્યો હતો, સાથે જ અકોટા થી તાજ હોટલના તમામ માર્ગ પર આવતા શેડ લારી ગલ્લા લોખંડની જાળી સહિતનો સામાન કબજે કરવામાં આવ્યો હતો.
