વડોદરા મહાનગરપાલિકા જા.ક્ર.૯૯૬/૨૧-૨૨ જુનીયર કલાર્ક (વર્ગ-૦૩) સંવર્ગની છેલ્લા ૧ એક વર્ષથી અટકેલી પ્રતિક્ષાયાદીના ઉમેદવારોને નિમણૂકપત્ર આપવા બાબત.
જય ભારત સહ જણાવવાનું કે વડોદરા મહાનગરપાલિકા દ્વારા તા.૧૪/૦૨/૨૦૨૨ ના રોજ જાહેરાત ક્રમાંક ૯૯૬/૨૧-૨૨ જુનીયર કલાર્ક (વર્ગ-૦૩) સંવર્ગની 552 જગ્યાઓ માટે ભરતી બહાર પાડવામાં આવેલ હતી. જેમાં ગૌણ સેવા પસદંગી મડંળ તા. ૦૮/૧૦/૨૦૨૩ ના રોજ લેખિત સ્પર્ધાત્મક પરિક્ષા યોજવામાં આવેલ હતી. જે જાહેરાત ક્રમાંક ૯૯૬/૨૧-૨૨ જુનીયર કલાર્ક (વર્ગ-૦૩) સંવર્ગની પસંદગી યાદી તા.૧૩/૦૨/૨૦૨૪ ના રોજ બહાર પાડવામાં આવેલ હતી. જેની પ્રતિક્ષાયાદી ૩૧/૦૧/૨૦૨૫ના રોજ પ્રસિદ્ધ કરવામાં આવેલ છે. પ્રતિક્ષાયાદીમાં પસંદગી પામનારા ઉમેદવારો દ્વારા તા.૧૪/૧૦/૨૦૨૪ રોજ આ બાબતે મુખ્યમંત્રીશ્રી સાહેબ ને મુખ્યમંત્રી કાર્યાલયમાં રૂબરૂ આ બાબતે રજૂઆત કરવામાં આવેલ હતી. જે બાબતે મુખ્યમંત્રી કાર્યાલય દ્વારા તા.12-11-2024 ના રોજ પત્ર ન. LF/2024/21121 દ્વારા વડોદરા મહાનગરપાલિકા ને આ બાબતે કાર્યવાહી કરવા સૂચના આપવામાં આવેલ હતી. ઉપરોક્ત જાહેરાત ક્રમાંક ૯૯૬/૨૧-૨૨ જુનીયર કલાર્ક (વર્ગ-૦૩) સંવર્ગની ભરતી માં પસંદગી પામેલ ૫૫૨ ઉમેદવારો પૈકી આશરે ૮૦ જેટલા ઉમેદવારો હાજર થયેલ નથી. ઉપરોક્ત જાહેરાતમાં પ્રતિક્ષા યાદીની જોગવાઈ છે. આ પ્રકિયાને ૧ વર્ષથી વધારે સમય વીતવા છતા આજ દિવસ સુધી પ્રતિક્ષાયાદીના ઉમેદવારોને નિમણૂકપત્ર આપવામાં આવેલ નથી. જો સત્વરે ઉક્ત જાહેરાતની પ્રતિક્ષા-યાદીમાં સમાવિષ્ઠ ઉમેદવારોને નિમણુક આપવામાં આવે તો ૮૦થી વધારે બેરોજગાર યુવાનોને સરકારી નોકરી મળી શકે અને હોળી પહેલા તેઓના પરિવારમાં ખુશીના દિવડા થાય. આપશ્રી આ બાબતે ઘટતી કાર્યવાહી કરાવશો એવી નમ્ર વિનંતી….
