ડભોઇ ઐતિહાસિક નગરી ડભોઇના વસઇવાલા જીન અને ઇદગા વિસ્તારના હજારો રહીશો છેલ્લા લાંબા સમયથી ગટરના ઉભરાતા ગંદા પાણી અને અસહ્ય દુર્ગંધની અમાનવીય સમસ્યાથી પીડાઈ રહ્યા છે. ડભોઇ નગરપાલિકા આ સમસ્યાના નિવારણમાં સંપૂર્ણપણે નિષ્ફળ ગઈ હોવાના આક્ષેપો સાથે સ્થાનિકોમાં ઉગ્ર રોષ ફેલાયો છે.
પાલિકાના વચનો માત્ર ‘પાણીના પરપોટા’ પ્રાપ્ત માહિતી અનુસાર, લગભગ પંદર દિવસ અગાઉ આ વિસ્તારોના પરેશાન રહીશોએ ગટરની સમસ્યાને લઈને નગરપાલિકા કચેરીએ ધસી જઈ રજૂઆત કરી હતી. તે સમયે સત્તાધીશો દ્વારા તેમને આશ્વાસન આપવામાં આવ્યું હતું કે, “દિવાળીના તહેવાર પછી તરત જ આ સમસ્યાનો કાયમી નિકાલ લાવી દેવામાં આવશે.””દિવાળી પૂર્ણ થઈ ગયા બાદ પણ આજદિન સુધી સ્થિતિ જ્યાંની ત્યાં જ છે. ગટરના ગંદા પાણી રસ્તાઓ પર ફરી વળ્યા છે અને સ્થાનિકોનું જીવન દોઝખ સમાન બની ગયું છે.” રોગચાળાનો ભય અને ‘વેરા’ પર સવાલઆ વિસ્તારોમાં ગટરનું ગંદુ પાણી ભરાઈ રહેવાથી માત્ર અસહ્ય દુર્ગંધ જ નથી ફેલાતી, પરંતુ ડેન્ગ્યુ, મેલેરિયા અને અન્ય જળજન્ય રોગચાળાનો ગંભીર ખતરો ઊભો થયો છે. રહીશો દ્વારા સવાલ ઉઠાવવામાં આવી રહ્યો છે કે:જો ડભોઇ નગરપાલિકા આ વિસ્તારોને મૂળભૂત નાગરિક સુવિધા (ગટર વ્યવસ્થા) પૂરી પાડી શકતી ન હોય, તો શું અહીંના લોકો વેરો ભરતા નથી?
શું આ વિસ્તારો નગરપાલિકાની દરેક સુવિધાથી વંચિત રહેવાને લાયક છે?
સ્થાનિક રહીશોનો સ્પષ્ટ આક્રોશ છે કે, “અમે નિયમિતપણે વેરા ભરીએ છીએ, છતાં અમને નગરપાલિકાની કોઈ સુવિધા મળતી નથી. આ અમારા પર અન્યાય છે.દર્ભવતી’ના સપના અધૂરા રહી જશે એક તરફ ડભોઇને ‘દર્ભવતી નગરી’ તરીકે પુનઃસ્થાપિત કરવાના સપના જોવામાં આવી રહ્યા છે, ત્યારે શહેરના મુખ્ય વિસ્તારોમાં આ પ્રકારે ગંદકી અને દુર્ગંધની સમસ્યા વકરતા સ્થાનિકો નિરાશા વ્યક્ત કરી રહ્યા છે.સ્થાનિકની વ્યથા: “અમે આ ગંદકી અને દુર્ગંધથી પરેશાન થઈ ચૂક્યા છીએ. હવે તો ગટરનું ગંદુ પાણી અને તેની દુર્ગંધ આસપાસના અન્ય વિસ્તારોમાં પણ ફેલાવા લાગી છે, જેનાથી શહેરના આરોગ્ય અને સ્વચ્છતા પર ગંભીર અસર પડી રહી છે.”
તાત્કાલિક નિકાલ લાવવાની ઉગ્ર માંગ સમગ્ર ડભોઇના જાગૃત નાગરિકો અને પરેશાન રહીશો નગરપાલિકાના સત્તાધીશો અને પદાધિકારીઓ પાસે તાત્કાલિક અને કાયમી ધોરણે આ ગંભીર ગટર સમસ્યાનો નિકાલ લાવવાની ઉગ્ર માંગ કરી રહ્યા છે. આ સમસ્યાનું ઝડપી નિરાકરણ જ ડભોઇને સ્વચ્છ અને સ્વસ્થ બનાવી શકશે. આગળ શું કરી શકાય આ વિસ્તારના રહીશો ની માંગ છે
