વડોદરા મહાનગરપાલિકાના ચૂંટણી વોર્ડ નંબર 8 માં સમાવિષ્ટ યોગેશ્વર પાર્કમાં રહેશો પ્રાથમિક સુવિધાના અભાવે ત્રયમાં પોકાર ઊઠ્યા છે. ત્યારે આજરોજ સ્થાનિક લોકોએ એકત્ર થઈ તંત્ર સામે આક્રોશ ઠાલવ્યો હતો.
વડોદરા મહાનગરપાલિકા ના ઇલેક્શન વોર્ડ નંબર 8 માં આવેલ યોગેશ્વર પાર્કના રહીશોને છેલ્લા ત્રણ વર્ષથી મુખ્ય રસ્તા પર ડ્રેનેજના પાણી ફરી વળતા હોવાથી નર્કાગારની પરિસ્થિતિમાં તમામ લોકો રહે છે. સોસાયટીના મુખ્ય માર્ગ પર ગટરના પાણી હોવાથી શાળામાં જતા વિદ્યાર્થીઓને, મહિલાઓને, સિનિયર સિટીઝનો તેમજ બીમાર દર્દીઓને અવરજવર માટે ભારે હાલાકી નો સામનો કરવો પડે છે.સ્થાનિક લોકો દ્વારા વારંવાર ચૂંટાયેલા કાઉન્સિલરોને આ સમસ્યાનો ઉકેલ લાવવા માટે જાણ કરી છે. પરંતુ આજ દિન સુધી કોઈપણ પ્રકારની કાર્યવાહી કરવામાં આવેલ નથી, તેથી તમામ સોસાયટીના રહિશો દ્વારા વિરોધ પ્રદર્શન તેમજ હલ્લાબોલ કરી તંત્ર સામે આક્રોશ વ્યક્ત કર્યો હતો.
