નસવાડી જૂથ ગ્રામ પંચાયત વિસ્તારના કુકાવટી રોડ પાછળના ભાગે ગટર લાઈન લાંબા સમયથી બંધ પડતા ગંદુ પાણી માર્ગો પર વહી રહ્યું છે. વિસ્તાર ભારે દુર્ગંધ અને ગંદકી ફેલાતા રહેવાસીઓ ભારે પરેશાન છે. ખાસ કરીને નાના બાળકો અને વયસ્કોમાં રોગચાળો ફાટી નીકળવાનો ભય વધી રહ્યો છે.
સ્થાનિકોના જણાવ્યા પ્રમાણે, ઘણી વખત ગ્રામ પંચાયતને રજૂઆત કરાય છતાં હજુ સુધી કોઈ સકારાત્મક કે કાયમી પગલું લેવામાં આવ્યું નથી. ગંદુ પાણી ઘરોના આંગણે સુધી પહોચી રહ્યું છે, જ્યારે મચ્છર-જંતુઓની વધતી સંખ્યા ડેન્ગ્યુ અને મલેરિયા જેવા રોગોના જોખમમાં વધારો કરે છે.
રહેવાસીઓએ નસવાડી ગ્રામ પંચાયતને તાત્કાલિક ગટર લાઈનની સફાઈ-મરામત, વિસ્તૃત સફાઈ અભિયાન, તેમજ જંતુનાશક છંટકાવ કરવા જોરદાર માંગ કરી છે.
તેમનું કહેવું છે કે,
“જો તાત્કાલિક કાર્યવાહી નહીં કરવામાં આવે તો વિસ્તારમા કોઈપણ સમયે ગંભીર રોગચાળો ફાટી નીકળે તેવું વાતાવરણ સર્જાઈ ગયું છે.”
